E årbesfloose spräke än literatuur drååwet ham amenbai tou tunge önjt iir, am ouer naie keere bait pläägen än ütforschen foon e frasche spräke tu snååken. Suk teeme as e spräkeönjtwikling- än purismus, frasch teooter unti üülj än nai frasch literatuur wårde besnååked. Än deer wårde frasche takste önj da ferschälie dialäkte leesen än bespräägen.
Forwüset: Jule Homberg
Kontaktpersoon önjt Nordfriisk Instituut: Claas Riecken
Önjt iir 1980 wörd e Interessengemeinschaft Baupflege Nordfriesland (IGB) as årbesfloose foont Nordfriisk Instituut grünläid. Dideere floose årbed foon began ouf önj äinstandi än heet ham 1992 as äinen feriin indreege leet.
E IGB ferstoont ham as afkoot foon e regjonåål architektuur än hüsloonschap, wat heer önj e regjoon ouer iirhunerte wüksen as. Di feriin bereet än stipet hüsäiner, wan ja jare hüsinge ouers njüte unti naimååge wan. Önjt Nordfriisk Instituut hääwe’s en archiif, weerönj wjartfule bagninge, üülje weege än latje monumänte dokumentiird wårde. Räägelmääsi kamt e tidschraft „Der Maueranker“ üt. Än åltens wi deet e IGB önj e ferlåch foont Nordfriisk Instituut en gruter publikatsjoon am e nordfrasch bagkultuur üt.
Formoonsater: Hans-Georg Hostrup
Hüüsesid: www.igbaupflege.de
Kontaktpersoon önjt Nordfriisk Instituut: Ines Teschner
E årbesfloose histoori lååsit amenbai tou tunge önjt iir tu en meeting unti tu en ütfluch in, weer frååge än naie resultoote tu e histoori än fortidswaasenschap besnååked wårde koone. E floose büt hiimstounsforschere än åål da, wat intresiird san, en löke aw dåt aktuäl waasenschaplik årbe än en möölikhäid, ham deerouer üttuprungen.
Forsater: N.N.
Kontaktpersoon önjt Nordfriisk Instituut: Christoph G. Schmidt
Önj e årbesfloose genealogii wårde erfååringe än toochte tu e famiiliforschung önj Nordfraschlönj forstald än besnååked. Önj e madelpunkt stönje da genealogische Tauschbörsen, weertu arks huulew iir lååsid wårt. Heer koone da doote, wat da diiljnaamere awfoorie önj schörkeböke, üülje dokumänte än dootebånke fünen hääwe, tuhuupefjard wårde. Huum ma e famiiliforschung nai begane wal, fant önj diheere årbesfloose heelp än rädj.
Formoon: Jens Uwe Nissen
Kontaktpersoon önjt Nordfriisk Instituut: Antje Arfsten